Ҳудуди 700 нафар паноҳандагони афғонистонӣ, ки пас аз ҳукуматро ғасб намудани Толибон  фирор карданд дар шаҳри Филаделфия муқимӣ шудаанд.

Нашрияи маҳалии “Филаделфия инкувайер” навиштааст, ки ҳудуди 700 нафар паноҳандаи афғонистонӣ, ки дар як пойгоҳи ҳарбӣ дар Ню Ҷерсӣ нигоҳ дошта мешуданд дар шаҳри Филаделфия муқимӣ гаштанд. Аксарияти паноҳандагон дар маҳаллаҳои Мейфэр, Оксфорд Сёркл ва қисмати ҷанубии Филаделфия ҷойгир карда шудаанд.

Ба навиштаи расонаҳои маҳаллӣ ҷараёни ҷобаҷокунии паноҳандагони афғонистонӣ дар Амрико моҳи феврал қарор аст ба поён бирасад ва дар умум пешбинӣ мешавад, ки иёлати Пенсилвания ҳудуди 1500 нафар паноҳандагони афғонро мепазирад.

Паноҳандагон аз Афғонистон беш аз ҳама дар дарёфти хонаи иҷора азият мекашанд, чун ба навиштаи расонаҳои маҳаллӣ нархи иҷора гарон аст.  Дар ҳоле, ки аксарияти паноҳандагон бо ҷайби холӣ ва бо камтарин молу ҷиҳоз аз ватан фирор кардаанд.

Ҳукумати шаҳри Филаделфия чанд қабл бо нашри як эълон дар саҳифааш дар Инстаграм навишт, иҷорадиҳандагоне, ки ба паноҳандагони афғонистонӣ хона иҷора медиҳанд, кафолат хоҳанд дошт, ки дар сурати пардохт нашудани пули иҷора аз сӯи иҷорагир ҳукумат онро ҷуброн менамояд. Аммо бисёре аз корбарони ин шабакаи иҷтимоӣ навиштанд, ки чаро ҳукумати Филаделфия ба садҳо нафар афроди бехонаву дар, ки дар кӯчаҳои шаҳр гадоӣ менамоянд намехоҳад кӯмак кунад ва ҳоло ғам навомадаҳоро мехурад?

Расонаҳои маҳаллӣ дар бораи омадани паноҳандагони афғонистонӣ ва чӣ гуна ҷо ба ҷо шудани онҳо зиёд гузориш ва пахш кардаанд. Дар бархе аз навиштаҳо, хабарнигорон аз паноҳандагон пурсидаанд, баъди оне, ки ин фоҷеаро паси сар карданд ва аз дасти Толибон фирорӣ шуданд оё бархурдашон бо дини Ислом тағйир кард?

Аҳмад Маҳдӣ, як халабони 25 солаи чархболи низомӣ аз Афғонистон, ки ҳоло дар Филаделфия паноҳанда шудааст ба хабарнигор гуфтааст, имони ӯ ба Худо кам нашудааст, аммо тасаввураш дар бораи дин “тағйир ёфт”. Ӯ гуфтааст, Толибон шакли “нодурусти Исломро ҷорӣ мекунанд” ва “онҳоро ҳамеша кофир” мехонданд.

 Иёлоти Муттаҳида дар пайи амалиёти осемасари наҷот, 76 ҳазор нафар сокинони Афғонистонро аз Кобул бо ҳамвопаймоҳо берун кашиданд. Онҳое, ки ба низомиёни Амрико ёрӣ мекарданд ва ё ҳамкорӣ доштанд ҳаққи иқомати доимиро дарёфт хоҳанд кард. Аммо миёни паноҳандагон онҳое ҳам ҳастанд, ки бинобар мулоҳизоти башардӯстӣ муваққатан ба Амрико роҳ дода шудаанд, вале аз ҳаққи иқомати доимӣ дар кишвар бархурдор нестанд.

Бештар  паноҳандагон аз Афғонистон дар се иёлат – Вирҷиния, Калифорния ва Текзас ҷо ба ҷо шуданд, чун дар ин иёлатҳо ҷамъиятҳои афғонистониён бештар сукунат доранд.

"Тоҷикони Амрико"

پناهنده‌گان افغانستانی در آمریکا چه حال دارند ؟

حدود 700 نفر پناهنده‌گان افغانستانی ، که پس از حکومت را غصب نمودن طالبان فرار کردند در شهر فیلادلفیا مقیمی شده اند .
نشریه محلی “ فیلادلفیا انكوییر ” نوشته‌است ، که حدود 700 نفر پناهنده افغانستانی ، که در یک پایگاه حربی در نی و جیرسی نگاه داشته می‌شدند در شهر فیلادلفیا مقیمی گشتند . اکثریت پناهنده‌گان در محله‌های مییفایر ، آکسفورد سیاركل و قسمت جنوبی فیلادلفیا جایگیر کرده شده اند .
به نوشته رسانه‌های محلی جریان جابجا‌کنی پناهنده‌گان افغانستانی در آمریکا ماه فوریه قرار است به پایان برسد و در عموم پیش‌بینی می‌شود ، که ایالت پنسیلوانیا حدود 1500 نفر پناهنده‌گان افغان را می‌پذیرد .
پناهنده‌گان از افغانستان بیش از همه در دریافت خانه اجاره اذیت می‌کشند ، چون به نوشته رسانه‌های محلی نرخ اجاره گران است . در حالی ، که اکثریت پناهنده‌گان با جیب خالی و با کم‌ترین مال و جهاز از وطن فرار کرده‌اند .
حکومت شهر فیلادلفیا چند قبل با نشر یک اعلان در صحیفه‌اش در انستگرم نوشت ، اجاره‌دهندگانی ، که به پناهنده‌گان افغانستانی خانه اجاره می‌دهند ، کفالت خواهند داشت ، که در صورت پرداخت نشدن پل اجاره از سوی اجاره‌گیر حکومت آن را جبران می‌نماید . اما بسیاری از کاربران این شبکه اجتماعی نوشتند ، که چرا حکومت فیلادلفیا به سد‌ها نفر افراد بی‌خانه و در ، که در کوچه‌های شهر گدای می‌نمایند نمی‌خواهد کمک کند و حالا غم نو‌آمده‌ها را می‌خورد ؟
رسانه‌های محلی در باره آمدن پناهنده‌گان افغانستانی و چه گونه جا به جا شدن آن‌ها زیاد گزارش و پخش کرده‌اند . در برخی از نوشته‌ها ، خبرنگاران از پناهنده‌گان پرسیده‌اند ، بعد آنی ، که این فاجیه را پس سر کردند و از دست طالبان فراری شدند آیا برخوردشان با دین اسلام تغییر کرد ؟
احمد مهدی ، یک خلبان 25 ساله چرخبال نظامی از افغانستان ، که حالا در فیلادلفیا پناهنده شده‌است به خبرنگار گفته‌است ، ایمان او به خدا کم نشده‌است ، اما تصورش در باره دین “ تغییر یافت ” . او گفته‌است ، طالبان شکل “ نادرست اسلام را جاری می‌کنند ” و “ آن‌ها را همیشه کاف‌رو ” می‌خواندند .
ایالات متحده در پی عملیات آسیمه‌سر نجات ، 76 هزار نفر ساکنان افغانستان را از کابل با همواپیما‌ها بیرون کشیدند . آن‌هایی ، که به نظامیان آمریکا یاری می‌کردند و یا همکاری داشتند حق اقامت دائمی را دریافت خواهند کرد . اما میان پناهنده‌گان آن‌هایی هم هستند ، که بنابر ملاحظات بشردوستی موقتاً به آمریکا راه داده شده اند ، ولی از حق اقامت دائمی در کشور برخوردار نیستند .
بیشتر پناهنده‌گان از افغانستان در سه ایالت – ویرجینیا ، کالیفرنیا و تیكزس جا به جا شدند ، چون در این ایالت‌ها جمعیت‌های افغانستانیان بیشتر سکونت دارند .
" تاجیکان آمریکا "